Ngjarja e rëndë që ndodhi rreth 4 vite më parë në Ukrahinën Lindore, ku avioni malajzian u rrëzua duke lënë të vdekur 298 persona, është zbardhur nga ekipi hetimor holandez.
Hetuesit ndërkombëtar kanë deklaruar sot, se avioni është rrëzuar nga rakete ruse, kështu raporton BBC.
Për herë të parë, ekipi i udhëhequr nga holandezë tha se, raketa kishte ardhur nga një njësi e bazuar në Rusinë perëndimore.
Të gjithë 298 njerëzit në bordin e Boeing 777 vdiqën pasi avioni shpërtheu në ajër, teksa fluturonte nga Amsterdami në Kuala Lumpur.
Kujtojmë se avioni u godit nga një raketë që u lëshua nga territori rebel në Ukrainë. Rusia thotë se asnjë prej armëve të saj nuk është përdorur.
Por sot Wilbert Paulissen, një zyrtar holandez nga Ekipi i Përbashkët Hetimor (JIT), u tha gazetarëve: “Të gjitha mjetet ku mbaheshin raketat, ishin pjesë e forcave të armatosura ruse”.
Ai tha se pas studimit të të gjitha fotografive dhe pamjeve në dispozicion, hetuesit qenë në gjendje të gjurmonin mjetin në brigadën 53 të Rusisë. (E.V/Faxweb.al)
Discussion about this post