Dita e nesërme pritet të jetë historike për shqiptarët e Tuzit në Mal të Zit, pasi për herë të parë pas 62 vitesh, komuna do të ketë një udhëheqje të pavarur nga kryeqyteti malazez duke u ngjallur kështu shpresat për shqiptarët që jetojnë në Malin e Zi.
Tre partitë politike kryesore shqiptare që veprojnë në këtë zonë kanë formuar një koalicion parazgjedhor nën moton ‘Malësia na Bashkon’ duke kandiduar me një listë të vetme, e në këtë mënyrë duke rritur shanset që kjo komunë të udhëhiqet nga një shqiptar.
Për këtë përfaqësuesit e koalicionit të tre subjektet politike kryesore shqiptare, Alternativa Shqiptare, Lidhja Demokratike Shqiptare dhe Unioni Demokratik Shqiptar, nënshkruan një Deklaratë mbi koalicionin parazgjedhor “Forumi Shqiptar”. Kjo mundësoi kandidimin me një listë të vetme.
Ata besojnë se çelësi i bashkimit, do t’i nxjerrë fitimtarë në sfidën për të marrë 17 këshilltarë nga 32 të tillë.
(F.GJ/FAXWEB.A)
