Gazetari Erion Kristo akuzoi kryeministrin Edi Rama se po tenton të miratojë paketën antishpifje sepse ka frikë nga fjala e lirë dhe jo për shkak të shpifjeve, siç jepet si argument.
Nga protesta ai foli për mikrofonin e “FaxNews”, nga ku u shpreh i vendosur se Rama nuk do t’ia mbyllë dot gojën medias. Sipas tij, nëse mediat kanë nevojë të rregullohen, le të bëjnë vetërregullim.
“E vërteta e ligjit është se nuk ka fare lidhje me shpifjen, pasi do të dëmtohej fillimisht kryeshpifësi. Ky ligj do t’i bëjë gazetarët që të vetëcensurohen, do t’i bëjë portalet që të qendrojnë në dyert e gjykatave, nuyk ka asnjë shans që t’iu mbyllësh gojën njerëzve. Atij i dhemb fjala e lirë, e gjithë media të nxjerr prapaskenën, ai nuk pranon autoritet tjtetër përveç vetes.
Është njeri që ka mbledhur më shumë pushtet në 30 vitet e tranzicionit dhe do të mbulojë edhe fjalën e lirë në media. Nëse mediat kanë nevojë të rregullohen, ka vend që të bëhet me vetërregullim. S’ka nevojë për të shtuar ligje ekstra kur funksionoka pushteti gjyqësor kur vajza e gruas së tij e gjeti të drejtën kur gjoja u ofendua nga mediat. Unë them se nuk ka për t’i arritur dot kësaj”, deklaroi Erion Kristo.
(M. I./ Faxweb.al)
