I përpiktë në orar dhe nën masa të forta sigurie zyrtari amerikan Yee mbërrin në zyrën e Ramës

Ashtu siç pritej Zëvendës ndihmës sekretari i Shtetit për Evropën dhe Azinë Hoyn Brian Yee ka mbërritur në zyrën  e kryeministrit Rama.

I përpiktë në orar, ai është shoqëruar nga një ekskortë nën masa të forta sigurie. Më herët kryeministri Rama takoi edhe ambasadorin e OSBE-së Bochardt.

Pas takimit me kryeministrin Rama, Yee do të takojë dhe kreun e Kuvendit Ilir Meta. Ndërkohë që takimi me kreun e opozitës Basha është parashikuar të mbahet rreth orës 14 e 45.

Në mbyllje të takimeve Yee ka parashikuar një bisedë me dy deputetë demokratë, Patozin dhe Bregun. Vizita e tij në vendin tonë shihet si mundësia e fundit për të gjetur një marrëveshje mes palëve për zgjedhjet e 18 Qershorit. (E.K/SHUPLAKA)