I vjen fatura 9200 lekë të reja: Faturist do ta paguash shtrenjtë po të kapa

Fatura e lartë e dritave ka acaruar një banor të qytetit të Vlorës. Në një foto të publikuar nga “Jeta Oshq Qejf” banori ka gjetur një zgjidhje për problemin e tij për faturën e lartë të dritave që i vinte çdo muaj. Banorit i ka ardhur fatura e dritave 9200 lekë të reja dhe kjo e ka revoltuar shumë atë.

Ai lë një shënim kërcënues për faturistin.

“Për faturistin. Po më erdhi dhe njëherë fatura 92 mijë lekë , do ta paguash shtrenjtë po të kapa, se nuk e kam fabrikë shtëpinë. Kujdes do ta paguash shtrenjtë”, shkruan banori në hyrjen e pallatit.