Komisioni i Venecias ka ritheksuar se moszbatimi i vendimeve të Gjykatës Kushtetuese nga Parlamenti cënon shtetin e së drejtës. Në opinionin e tij, theksohet se nuk ka vend për diskrecion politik kur bëhet fjalë për vendime të tilla, duke e cilësuar si të papranueshme sjelljen e mazhorancës për bllokimin e tyre. Komisioni kërkon që mandati i Olta Xhaçkës të trajtohet në Gjykatën Kushtetuese, pa kushte nga shumica parlamentare.
Deputetja Ina Zhupa ka reaguar ashpër, duke cilësuar sjelljen e mazhorancës si një “puç kushtetues” që duhet të marrë fund. Ajo i ka bërë thirrje Kuvendit të respektojë urgjentisht vendimet kushtetuese, duke e konsideruar opinionin e Venecias si një shuplakë ndaj mazhorancës për veprimet antikushtetuese.
Reagimi i plote:
Komisioni i Venecias tha atë e di çdo njeri, çdo jurist, vendimet e Gjykatës Kushtetuese zbatohen, ndryshe ska shtet të së drejtës.
Palacollëku i një mazhoranca për të mos zbatuar vendimet e Gjykatës Kushtetuese duhet të ndaloj një sekondë e më parë. Mandati i Olta Xhackës duhet shkojë në Gjykatën Kushtetuese.
Komisioni i Venecias shprehet:
“Parlamenti nuk mund t’i referohet parimit të ndarjes së pushteteve për të refuzuar të respektojë dhe të zbatojë vendimet e Gjykatës Kushtetuese. Pra nuk mund të ketë diskrecion politik për të respektuar dhe zbatuar vendimet e Gjykatës Kushtetuese. Në këtë rast specifik, Gjykata Kushtetuese ka dhënë dy vendime dhe pajtueshmëria me këto vendime nuk duhet të bëhet kushtëzuar nga vota apo nga shumica parlamentare”
“Kur një gjykim i Gjykatës Kushtetuese interpreton se Kushtetuta kufizon fuqinë vendimmarrëse të Parlamentit, ky i fundit duhet të zbatojë vendimin dhe ta votojë çështjen në fjalë siç është përcaktuar nga Gjykata Kushtetuese dhe jo vetëm mbi mundësinë e dërgimit të çështjes në Gjykatën Kushtetuese”
Më qartë nuk ka!
Puci Kushtetues të marr fund!
