Julian Nagelsmann me gjasë do të jetë trajneri i ri i kombëtares gjermane deri në mbarim të Euro 2024. Ish-tekniku i Bayern Munchen ka akoma aktive kontratën me klubin bavarez dhe ka pranuar të ndërpresë marrëdhënien kontraktuale me ta për të qenë trajneri i kombëtares.
Sipas Bild, Naglesmann pranoi ofertën e federatës për të qenë në stol të paktën deri në mbarim të evropianit që do të zhvillohet në Gjermani.
Para disa ditësh federata shkarkoi Hansi Flick pas humbjes 1-4 me Japoninë. Gjithashtu dhe rezultati zhgënjyes në botërorin e Katarit ishin shkak i shkarkimit të tij. Ndeshjen e fundit për kombëtaren gjermane, në fitoren 2-1 me Francën, në stol ishte Rudi Voller.
Nagelsmann do të “lëshojë nga dora” një pagë të madhe që i detyrohej klubi i Bayern, rreth 20 milionë euro në sezon, për të pranuar 4 milionë euro nga Federata Gjermane e Futbollit (DFB).
