Pas mbylljes së lojës mes Tiranës dhe Kukësit, disa nga tifozët e Tiranës janë shoqëruar nga policia, pasi u futën në fushë dhe filluan të konfrontohen me futbollistët bardheblu.
Policia njofton se rreth orës 19:50 në përfundim të ndeshjes së zhvilluar midis ekipeve “Tirana -Kukësi” të zhvilluar në stadiumin “Selman Stërmasi”, kanë hyrë në fushë disa tifozë të Tiranës ku një pjesë e tyre janë shoqëruar nga shërbimet e policisë në Komisariat për veprime të mëtejshme proceduriale.
Gjatë hyrjes së tifozëve në fushë ka mbetur i dëmtuar lehtë një shtetas të cilit i është dhënë ndihma e duhur mjekësore.
Po punohet për identifikimin dhe shoqërimin e personave të tjerë.
(M.Q/Faxweb)
