Detaje të reja kanë dalë në dritë nga mediat italiane për sa i përket arrestimit të 4 kosovarëve në Itali, me akuzën se ishin duke planifikuar të kryenin një sulm terrorist në Venecia. Sipas mediave italiane, katër shqiptarët e kosovës të arrestuar po planifikonin që sulmi të kryhej gjatë karnavaleve që zhvillohen në Vencia.
Dhjetë muaj pas arrestimit të katër kosovarëve në Venecia, detaje të reja kanë dalë në dritë nga hetimet e zhvilluara nga hetuesit Italian. Para 10 muajsh me akuzën e terrorizmit, autoritetet italiane arresutuan një Fisnik Bekaj 24 vjeç, Dake Haziraj 25 vjeç, Arjan Babaj 27 vjeç dhe një tjetër shtetas të Kosovës 17- vjeçar identiteti i të cilit nuk është bërë i ditur.
Sipas asaj që raportojnë mediat italiane, katër të arrestuarit ishin duke planifikuar të kryenin një sulm terrorist gjatë karnavale të cilat zhvillohen në qytetin e Venecias.
Mediat e vendit fqinjë përmendin se mes dokumenteve të hetuesve janë edhe përgjime të celulës terroriste, ku nga bisedat e zhvilluara kuptohet se ishin duke përgatitiur një sulmë ku do të përdorinin eksplozivë, armë zjarri dhe thika.
Gjithashtu në një nga përgjimet e realizuara nga hetuesit të dyshuarit flisnin edhe për blerjen e një kallashnikovi për 250 euro, ndërkohë që në një prej telefonave është zbuluar edhe fotografia e 27- vjeçarit Arjan Babaj me armë.
Në përgjim njëri prej të rinjve thotë për Bekajn:
”Fisniku një herë kishte arritur ti priste kokën një lope. Dhe thoshte se mjaftonte vetëm një e goditur, maksimumi dy dhe më pas sheh gjakun të dalë lumë. Karnavale, po… paf paf, të veshur si këta, me një maskë.”
(E.K/FAXWEB)
Discussion about this post