Çadra e opozitës ka mirëpritur sot kryetarin e Komisionit të Jashtëm parlamentar në Hungari, Zsolt Nemeth. Që në fillim të fjalës së tij, zyrtari hungarez tërhoqi vëmendje teksa iu drejtua ish-kryeministrit Sali Berisha me fjalën “President”.
Në vazhdim të fjalës, ai siguroi mbështetjen e Hungarisë ndaj revoltës qytetare, duke i siguruar opozitën dhe mbështetësit e saj se “kanë miq në Europë, nuk janë vetëm”.
Më tej, ai shprehu bindjen se shqiptarët që i janë bashkuar kësaj kauze do të dalin fitues në betejë.
“Është një nder që takoj zotin Lulzim Basha, presidentin Sali Berisha. Dua të përcjell mesazhin e kryeministrit hungarez dhe qeverisë hungareze. Sot jam me ju, jemi me ju të dashur shqiptarë. Nuk jeni të vetëm, ju kemi miq në Europë. Dua t’iu uroj për sfidën tuaj, qëndresën 76 ditore. Shqipëria është arritur në një agim. Është e njëjta luftë që kemi pasur të përbashkët.
Ne do t’iu mbështesim në luftën tuaj për zgjedhje të lira dhe të ndershme. Do ta arrini këtë betejë sepse e ardhmja juaj është e përbashkët me BE-në. Ne kemi një të ardhme të përbashkët me Europën”, u shpreh ai.
(XH.A/SHUPLAKA)
