Kërkimet për “Escobarin e Ballkanit”, kontrolle në shtëpitë e të njohurve në Gjirokastër

Kërkimet për arrestimin e “Escobarit të Ballkanit”, Klement Balili, nga Saranda dhe Delvina janë zhvendosur në qytetin e gjirokastrës.

Sipas “Tv Klan”, policia ka zhvilluar kontrolle në disa banesa në qytetin e Gjirokastrës, si dhe në disa fshatra aty pranë, kjo sepse Balili kishte lidhje shoqërore më shumë persona të kësaj zone.

Kjo nuk është hera e parë që njësitë operacionale të Policisë së Shtetit si dhe strukturat lokale kryejnë kontrolle në këto banesa.

Sakaq, rreth dy ditë më parë policia ka shoqëruar në komisariat plot 11 familjarë dhe të njohur të të shumëkërkuarit, të cilët raportuan se nuk ia kishin idenë për vendodhjen e tij. (D.D/Shuplaka)