Analisti dhe këshilltari i Ilir Metës Lorenc Vangjeli, pas përfundimit të mbledhjes së grupit parlamentar të Partisë Demokratike, i ftuar në memisionin “Opinion” të gazetarit Blendi Fevziu, i ka dalë në mbrojtje kreut të opozitës Lulzim Basha kundër kritikave ndaj tij.
Vangjeli ka deklaruar se me këtë mbledhje, Basha ka rikonfirmuar statusin si lider i PD-së.
Mbledhja e grupit parlamentar sot është e para pas shumë kohësh, kritikët e zotit Basha e kishin deklaruar një gjë të tillë dhe zoti Basha e bëri mbledhjen edhe për të krijuar një kohezion mes tyre, mes zërave kritikë dhe mbështetësve.
Tashmë nuk ka asnjë dyshim, që zoti Basha është zëri kryesor në Partinë Demokratike. Ai është kryetari i PD, dhe kjo kontraston edhe me diçka tjetër, një lajm që unë e kam të formuar nga 2-3 burime brenda një grupi parlamentar, që Berisha i pranishëm në mbledhje nuk ka folur fare gjatë gjithë kohës”, është shprehur Vangjeli. (D.D/Shuplaka)
Discussion about this post