Këshilltari i Metës: Me ty Ramush! (FOTO në brendësi)

Në këto ditë të vështira për ish-presidentin e Kosovës Ramush Haradinaj, Lëvizja Socialiste për Integrim nuk ndalet së shprehuri mbështetjen e saj.

Këtë paradite kryetari i grupit parlamentar të LSI-së Petrit Vasili, u shpreh se arrestimi i Haradinajt në Francë për llogari të Serbisë është një veprim i gabuar në kohën e gabuar. Madje ai kërkoi lirimin e menjëhershëm të tij.

Pas Vasilit, tanimë ka reaguar edhe këshilltari i Ilir Metës, Emiliano Aleksi, i cili nëpërmjet një statusi në rrjetet sociale shpreh mbështetjen e tij ndaj Haradinajt.

Aleksi ka publikuar një foto të Kreut të AAK-së me një mbishkrim sipër ku thuhet: “Me ty Komandant!

Ish- presidenti i Kosovës nuk është vetëm, pasi sot më shumë se kurrë të gjithë shqiptarët janë me të.  Jo vetëm këto deklarata, por sidomos Protestat në Prishtinë dhe në Francë janë një dëshmi. (D.D/Shuplaka)