“Ki kujdes!”, Lefter Maliqi zbulon mesazhet që i vijnë në inbox: Një person u fut në burg për krim të organizuar, i vdiq nëna, babai iu çmend

Deputeti Lefter Maliqi ka mbajtur një fjalim të fortë në Kuvend, ku i kërkoi kryeministrit Rama që të bëjë testin e drogës, dhe të pranojë Vetingun në radhët e politikanëve.

Maliqi u shpreh se shumë persona i kanë dërguar sms që të ketë kujdes, pasi rilindasit që ka përballë mund të hakmerren ndaj tij.

Duke folur për amnistinë, Maliqi tha se ajo është shumë e cunguar, dhe në burg do të qendrojnë ende të dënuar për 5 gramë hashash.

“Të jenë të sigurt të gjithë shqiptarët, që nuk do të bëhem ndonjëherë pjesë e konflikteve artificiale. Edi Rama i fyeu të gjithë, u tha jeni pa tru, kërcënoi zonjë Hajdari në mënyrë indirekte, duke thënë se i kishte fituar të gjithë gjyqet për shpifje.

I kam kërkuar interpelancë që në muajin Qershor, dhe nuk vjen këtu se ka frikë, akuzat e zonjës Hajdari i djegin, vjen këtu rëndë rëndë njësoj si Al Capone. Ky iu thotë gjyqtarëve, shokëve të tij, iu thotë KÇK, edhe amnistia sot me këtë ka të bëjë, po dalin nga burgjet disa me rrezikshmëri shumë të madhe. Ky po e ndjen fundin, le të fryhet, ky ka vetëm pasuri më shumë se ne, po tru jo e jo, e gënjen mendja.

Nëse ky nuk ka frikë nga këto gjera, pse nuk e bën Vetingun në politikë, nëse është i pastër pse nuk e bën testin e drogës ky? Ky thotë turp edhe për gazetarët e RAI3, gazetarët e Bild, ky thoshte shpifje për Zaganin dhe Nuhun, ata që mendojnë kundër tij iu vendos tritolin, si prokurorin Ndoj.

Keni kryetarët e Bashkive që qahen çdo ditë, se tenderat i bëjnë vetëm një grup oligarkësh, në burgje kemi vetëm të varfër.

Njerëzit thotë jemi bërë që të marrim rrugët, ti themi burgut hapu, tit hemi Shqipërisë lamtumirë, po mbyllen bizneset, detyrohen që të largohen nga njerëzit e tyre. Futën në burg për krim të organizuar një taksixhi se po transportonte ca refugjatë, 4 muaj më vonë i vdiq, nëna, babai është tani në gjendje të rëndë, për shkak të depresionit.

Këta nuk kanë asnjë lidhje me socialistët, kjo është Rilindja e këtyre. Po nuk u bënë zgjedhjet e parakohshme dhe vendore, është bërë vërtetë për të ikur nga Kuvend, më çojnë sms dhe më thonë që ‘’kujdes sepse mund të hakmerren”, por jo nuk frikësohem, se ka të tjerë si unë.

I di shumë mirë se çfarë ndodh në administratën e shtetit, sesi ka burgosur socialistët e ndershëm. Kjo amnisti është e cunguar sa kohë që ka njerëz që qendrojnë në burg për 5 gram hashash, i pasuri ka para dhe del, i varfëri rri 7 vite në burg”, u shpreh Maliqi.