Edi Rama nga Kuvendi i është përgjigjur ultimatumit të Lulzim Bashës, që i kërkoi që të hapte rrugën, në rast se nuk përmbushte dot kërkesat e opozitës për Reformën Zgjedhore.
Sipas Ramës opozita që është në rrugë nuk ka të drejtë që të vendosë kushte të tilla, pasi nuk ka asnjë dekret popullor. Numri 1 i qeverisë shtoi se ai është i gatshëm për çdo bashkëpunim, por kushte të prera nuk mund të vendosen nga njerëz që nuk kanë mandate popullore.
“Atyre që thonë hap krahun, unë nuk kam parë. Se kjo është ça të të them, i thotë një këmbësor një makine, që hap krahun, si mo ku?! Me çfarë dekreti minor ke ti që të më bësh mua planin, kë përfaqëson ti?
Se ata që përfaqësoje i le rrugës, e megjithatë ata janë të mirëpritur, unë u kam të gjithëve njësoj, juve këtu (opozitës parlamentare) dhe ata atje. Për ata atje jashtë kam më shumë kujdes, se kanë dalë në rrugë për hallin e tyre. Hallet tuaja luksoze mbajini vetë, ti je mbret nuk të lëviz njeri nga froni (i drejtohet Kujtim Gjuzit)”, tha Rama në Kuvend.
Kryeministri shtoi më tej se Reforma Zgjedhore duhet bërë sa më parë, duke iu referuar propozimeve të OSBE-OHDIR që tashmë janë të qarta.
(E.K/Faxweb.al)
Discussion about this post