Ish-ministrja e Mbrojtjes, Mimi Kodheli, në studion e Fax Neës ka folur për marrëveshjen e detit me Greqinë si dhe marrëdhëniet me presidentin Ilir Meta në kuadër të grupit negociator të kësaj marrëveshjeje.
Kodheli ka folur gjithashtu edhe për takimin e vetëm një ore më parë mes kryeministrit Rama dhe presidentit Meta, si një ngjarje që vjen në kohën e duhur e që do të finalizojë dhënien e plotfuqishmërisë grupit negociator.
“Takimi Rama-Meta nuk është i vonuar. Presidenti me Kryeministrin takohen kur janë konsumuar të gjitha ecejaket dhe pyetje-përgjigjet e të gjitha institucioneve poshtë këtyre strukturave.
Unë besoj fort që do të dalë tym i bardhë nga ky takim dhe ministri Jashtëm do të marrë autorizimimn për plotfuqishmërinë e grupit negociator.
Nuk ka arsye që kjo punë të shythet në kalendat greke ndërkohë që është momenti historik për të zgjidhur çështje të mbetura pezull prej kohësh. Hekuri rrihet sa është i nxehtë.” – tha Mimi Kodheli në studio.
Në lidhjme me akuzat e opozitës se Artur Meçollari, pjesë e grupit negociator të Ministrisë së Jashtme, Kodheli u shprehu keqardhjen për njerëz që diskutojnë emra pa i njohur dhe se çdo person që shërben në Forcat e Armatosura e meriton atë vend pasi shërben në strukturën më serioze politike dhe ushtarake që mund të ekzistojë, strukturën e NATO-s.
“Nuk ka vend për çuarjen e marrëveshjes në Gjykatën e Hagës, pasi siç e ka sqaruar kolegu Bushati, në atë gjykatë shkohet kur palët nuk bien dakord të ulen në bisedime, gjë që nuk është rasti mes Shqipërisë dhe Greqisë.” – tha ish-ministrja Kodheli.
Mimi Kodheli u shpreh se në dallim nga marrëveshja e qeverisë Berisha të vitit 2009 që u hodh poshtë nga Gjykata Kushtetuese, marrëveshja e re, do të jetë një marrëveshje që do të përcaktojë kufijtë “dekada e shekuj e që do të jetë shumë dinjitoze për popullin shqiptar e për popullin grek”.
(E.L/Faxweb)
