Pas kapjes së 613 kilogramëve kokainë në Maminas, ku në një konteiner të ardhur nga Kolumbia ishte fshehur sasia e lëndës narkotike, ka nisur hetimi pasuror për 3 personat e akuzuar si trafikantët e drogës.
Prokuroria ka nisur verifikimin e pasurisë për Donaldo Lushajn, Armando Pezakun dhe pronarin e “Arbri Garden”, Arbër Çekaj.
Prokuroria i ka dërguar një kërkesë bankave, hipotekave dhe zyrave që kryejnë transfertat e parave.
Arbër Çekaj, pronari i konteinerit është shpallur në kërkim dhe ende nuk është pikasur nga policia. Ambasadori Lu e konsideroi Çekajn pak ditë më parë si “peshk i madh”.
Ndërkohë që vetë i akuzuari, deklaroi në media se nuk ka lidhje me sasinë e kokainës së kapur në Maminas.
(F.G/Faxweb.al)
Discussion about this post