Ish-deputeti i qarkut të Vlorës, Koço Kokëdhima, njëkohësisht i njohur si njeri i afërt i kryeministrit Edi Rama, duket se sapo ka nisur fushatën kundër këtij të fundit dhe qeverisë që ai drejton.
Kokëdhima ka postuar në profilin e tij në Facebook një video nga takimi i fundit me socialistët e Vlorës, ku shprehet se qytetarët janë të varfër dhe të pashpresë.
“Gjatë bashkëbisedimit me socialistët e Vlorës përsërita se kastat sunduese të këtij tranzicioni nuk përfaqësojnë njerëzit e thjeshtë. Vetëm një grusht politikanësh e biznesesh të lidhura me ta janë të lumtur në Shqipëri. Qytetarët janë masivisht të zemëruar, të pashpresë, të varfër e të stresuar. Rinia dhe pjesa më e aftë e shoqërisë po e braktis vendin me shpejtësi të frikshme”, shkruan ish-deputeti Koço Kokëdhima mbi video.
