Komisioni i Venecias shumë shpejt vizitë 3 ditore në Tiranë, ja kë pritet të takojë

Më datën 9 deri më datën 12 shkurt delegacioni i Komisionit të Venecias pritet që të zhvillojë një vizitë zyrtare në Tiranë.

Bëhet me dije se vizita është në kuadër të dhënies së opinionit për dy projektligjet, njeri për Autoritetin e Mediave Audio Vizuale, (AMA) dhe tjetri për Autoritetin e Komunikimeve Elektronike dhe Postare, (AKEP), ose ndryshe paketa e ligjeve “Antishpifje”.

Në program është parashikuar që delegacioni të pritet në një takim nga Kryetari i Grupit Parlamentar i Partisë Socialiste Taulant Balla dhe një përfaqësi e grupit, ditën e hënë, më datë 10 shkurt 2020, në orarin 10:05-10:45, tek salla e Komisionit të Ligjeve, kryesia e Kuvendit.

Kujtojmë se në mars është parashikuar që Komisioni i Venecias të shqyrtojë dy ligjet e paketës Anti-Shpifje.