Kryeministri Edi Rama, në komunikimin e tij javor që e transmeton në llogarinë e tij zyrtare në Facebook, zbulon programin e tij të nesërm si edhe çfarë do diskutohet në mbledhjen e parë të qeverisë.
“Nesër në orën 10 paradite do të marr fjalën në Kuvend për programin e qeverisë dhe pastaj qeveria do bëjë betimin dhe më pas do nisim nga puna me mbledhjen e parë për të shpallur vitin mbarëkombëtar për Skënderbeun si dhe do vendosë lehtësimet e para për barrën e burokracisë nga shpatullat e njerëzve të zakonshëm. Kjo qeveri është krijaur për të qenë një qeveri e juaja në kuptimin më konkret të fjalës, për të bërë progres të ndjeshem, me shtet punë e mirëqenie. Ndryshimi i strukturës dhe mekanizmave është vetëm në fillim dhe është fillimi i një ndryshimi që do ndryshojë jetën e cdo qytetari, do ulë korrupsionin dhe do përshpejtojë integrimin evropian të Shqipërisë. I siguroj të gjithë pa përjashtim se do jem me mish e me shpirt njëri prej jush”, tha Rama
Shembull, Italia prodhon 1 milion certifikata në vit për banorët e saj. Po Shqipëria? Shqipëria 4.5 milion, më shumë se numri i popullsisë, vetëm për të vërtetuar se t’i ekziston. 4.5 milion futje dore në xhep për një certifkatë lindjeje.
4.5 milion arsye për t’u mërzitur me këtë vend dhe me këtë shtet vetëm nga certifikata e lindjes. Po sa shumë akoma, në xhunglën e letrave që shteti provon. Me certifikatën do të nisë eliminimi i dhjetëra miliona udhëtimeve. Por ju lutem prisni edhe 2.7 ditë, ashtu siç keni pritur 27 vjet dhe do dëgjoni jo më zotimin por vendimin. Qeveria e re është krjijuar për të qene e juaja.”, janë fjalët e Ramës. (D.D/Shuplaka)
Discussion about this post