Ditën e sotme është zhvilluar Konferenca 41 Ndërkombëtare e të Komisionerëve për Mbrojtjen e të Dhënave, ku i pranishëm ishte edhe kryeministri Edi Rama I cili mbërrii disa muinuta me vonesë.
Pasi kërkoi ndjesë për pakorrektësinë e tij në orarin e mbërritjes, Rama nisi të flaës për rëndësinë që ka ligji për të cilin qeveria sipas tij ka nisur konsultim publik, dhe që ka të bëjë me tregjet financiare bazuar te teknologjia blockchain.
Sipas Ramës, bazuar në këtë nismë, mendon se është një ndërmarrje shumë guximtare e ndërmarrë nga Shqipëria, ndërsa shton se mund të ofrojë një mundësi shumë efikase për dërgesat nga jashtë, duke ulur kostot dhe rritur shpejtësinë e ndërveprimeve.
“Ju kërkoj ndjesë për vonesën, por duhet të kuptoni se nuk ishte vonesa tipike e imja, pasi kurrë s’do lejoja të isha vonë. Dua të bëj një njoftim për ata që janë këtu dhe ata që po na ndjekin, që qeveria e Shqipërisë ka hapur një konsultim publik, një ligj të ri, për tregjet financiare bazuar te teknologjia blockchain, që mendojmë se është një ndërmarrje shumë guximtare e ndërmarrë nga Shqipëria.
Është e qartë që përmes teknologjisë blockchain ne do kemi mundësinë për t’iu dhënë në të ardhmen sistemeve tona një efikasitet më të lartë dhe një siguri më të madhe, sa i përket psh. pronës, pronësisë. Dhe gjithashtu, për një vend si Shqipëria, blockchain mund të ofrojë një mundësi shumë efikase për dërgesat nga jashtë, duke ulur kostot dhe rritur shpejtësinë e ndërveprimeve.
Përmes këtij sistemi, askush nuk mund të shmanget nga detyrimet”, tha ndër të tjera Rama.
(F.GJ/FAXWEB.AL)
