Kongresmeni amerikan Eliot Engel ka akuzuar Serbinë së fudmi se është duke provokuar me fletë-arrestin dhe akuzat ndaj ish-kryeministrit të Kosovës, Ramush Haradinaj. Teksa foli për arrestimin e tij, Eliot Engel u shpreh se ky është një veprim tërësish i paarsyeshëm.
“Serbia ka manipuluar me Interpolin duke provuar të ketë një gjykim të tretë për Ramush Haradinajn, në esencë të njëjtën çështje. Kjo për mua është e paarsyeshme dhe tregon sjelljen e keqe nga ana e Qeverisë së Serbisë”, mësohet të ketë thënë kongresmeni Engel.
Por ai u është referuar edhe provokimeve të tjera që Serbia ka bërë ndaj Kosovës përgjatë kohëve të fundit. Duke iu referuar konkretisht trenit me motive nacionaliste:
“Serbia vazhdimisht ka provuar ta bëjë sa më të vështirë për Kosovën rrugën drejt Bashkimit Evropian. Serbia së fundmi dërgoi në veriun e Kosovës një tren propagandistik që kishte të shkruar në 21 gjuhë fjalinë ‘Kosova është Serbi’. Po ashtu inicioi ndërtimin e një muri në Mitrovicë, tani muri është rrëzuar, por duke lënë pasojat pas.”
Discussion about this post