Kontrolle të shumta, në dy dogana goditen trafikuesit e lendëve narkotike

Pikat doganore janë në gadishmëri, ku përveç kontrolleve për virusin kanë pikasur edhe grupe që trafikonin lëndë narkotike.

Bëhet me dije se në dy pikat doganore në Kakavijë dhe Muriqan u evidentuan dhe goditen dy raste të tentativës për trafikim të lëndëve narkotike.

Njoftimi i Policisë

Si rezultat i kontrolleve të imtësishme, në Kakavijë dhe Muriqan evidentohen dhe goditen dy raste të tentativës për trafikim të lëndëve narkotike.

Në PKK Kakavijë, në vijim të punës për goditjen e aktiviteteve të kundraligjshme dhe krimeve ndërkufitare, në bazë të analizës së riskut nga ana e policisë kufitare, u përzgjodh për kontroll të detajuar një automjet që drejtohej nga ana e shtetasit  O.M.

Gjatë kontrollit të automjetit të markës Nissan me targa greke nga ana e shërbimeve të policisë kufitare e doganore, si dhe të antitrafikut doganor, duke përdorur edhe skanerin, u gjend i fshehur në sarbatorin e mjetit një bidon plastik i cili në brendësi të tij kishte një sasi lënde të dyshuar Cannabis Sativa. Autori u arrestua në flagrancë pë veprën penale “Trafikim i narkotikëve”.

Në PKK Muriqan, si rezultat i kontrolleve të shtuara u procedua penalisht shtetasi L.K., pasi në brendësi të kroskotit iu gjet një qese  me një sasi lëndë narkotike Cannabis Sativa.

Materialet i kaluan Prokurorive respektive për veprime të mëtejshme për veprën penale “Trafikim i narkotikëve”.

R.G/FAXWEB.AL