Policia e Shtetit do të jetë në gatishmëri të plotë për festat e fundvitit. Të paktën kështu është shprehur kreu i Policisë së Shtetit, Haki Çako tha se shërbimet e policisë do të jenë të pranishme në të gjithë vendet publike ku do të festohet.
Çako shpjegoi se në gatishmëri do të jenë edhe Antiterrori, policia kriminale dhe shërbimet e tjera.
Ndër të tjera, kontrollet do të kryhen për përdorimin e alkoolit gjatë drejtimit të mjeteve dhe shkeljen e rregullave të qarkullimit apo qetësisë publike. (D.D/Shuplaka)
