Një krim i rëndë ka ndodhur brenda familjes në Tiranë për motive të dobëta. Djali ka vrarë babain dhe e ka hedhur në liqenin e Farkës. Mësohet se babai është vrarë nga djali pas goditjeve me çekiç në kokë. Pëlumbarët nxorrën trupin e pajetë nga liqeni i Farkës, sot rreth orës 09:00 të mëngjesit. Autori i krimit ndodhet në ambientet e policisë së Tiranës dhe se është Selman Aliaj, 29-vjeç nga Shkoza. Viktima është 74-vjeçari me iniciale F.Aliaj.
“Fax News” raporton se pasi e ka vrarë babain Selman Aliaj e ka transportuar trupin me makinë tip “Volkswagen” në liqenin e Farkës. “Vrasje për shkak të rrethanave familjare”, është akuza që rëndon mbi të riun që vrau babain.
Pas krimit të rëndë policinë e kanë lajmëruar fqinjët të cilët kanë treguar për grindjen që kanë pasur. Pasi policia mbërriti në vendgjarje policia hodhi dyshime pasi në oborrin e shtëpisë u gjetën njolla gjaku. Familjarët pohuan se asnjëri nuk e dinte se ku ndodhej 74-vjeçari.
Vetëm dy orë pasi ka ndodhur ngjarja është arrestuar i riu dhe fillimisht ka pohuar se nuk e dinte se ku ndodhej i ati. Por pas pyetjes së policisë ai ka treguar se e ka vrarë babain me çekiç duke e gjuajtur në kokë dhe në pjesë të tjera të trupit disa herë. 28-vjeçari vuan edhe nga problemet mendore. (J.V/Faxweb)
Discussion about this post