Kriza politike, paralajmëron gazetari: Në fund Rama do shkojë në pavion me barelë

Gazetari dhe satiristi Agim Xhafka, i njohur për ironinë e hollë të mbështjellë me nota humori që përdor në shkrimet e tij kundër realitetit politik, përmes një postimi në rrjetet sociale shkruan në fund të kësaj situate Edi Rama do të shkojë me barelë në pavion.

Duke bërë një krahasim me garat e 100 metrave, Xhafka shkruan se në çdo nisje të keqe, gjyqtari anulon garën, për ta nisur nga fillimi.

Sipas gazetarit, nëse Rama do merrte pjesë në këto gara, nuk do të ndalonte për asgjë në botë.

Postimi i plotë i Agim Xhafkajt:

Keni parë në olimpiada botërore garat e 100 metrave?

Shumë emocionuese.

Shkrepet sinjali me pistoletë dhe go të gjithë.

Por jo rrallë gjyqtari shkrep dy herë. Pra nisja anulohet.

Kthehen atletët te vendet e tyre dhe presin sinjalin e ri.

Të qe Rama në këtë garë nuk e pirdhte fare anulimin.

Vazhdonte vetë vrapin, priste triumfator shiritin në fund e donte medalje se s’bën.

Grindej e bënte zallamahi me të gjithë deri sa…vinte një ambulancë, e merrte me barelë, e rehatonte në ndonjë pavion.

(B.L/FAXWEB.AL)