Një delegacion i Komisionit të Punëve të Jashtme të Parlamentit Europian do të mbërrijë të mërkurën në Tiranë për t’u informuar në detaje mbi situatën e re në tê cilën është futur vendi pas dorëzimit tê mandateve parlamentare të opozitës dhe hapat që priten të merren në vijim.
Ky delegacioni përbëhet nga deputetë të grupimeve të ndryshme politike të Parlamentit Europian. Në krye të takimeve, qëndron takimi me kryetarin e opozitës, Lulzim Basha dhe kryetaren e LSI-së Monika Kryemadhi. Më pas takimet vijojnë me kryeministrin Edi Rama dhe ministrin e Punëve të Jashtme, Gent Cakaj.
Delegacioni do të takohet me kreun e Kuvendit, Gramoz Ruçi, si dhe dy pêrfaqësues të shoqërisë civile. Takimet e mundshme me ministren e drejtësisë, Edita Gjonaj dhe ministrin e Brendshëm Sandër Lleshaj nuk janë konfirmuar.
Po sipas kryetares së LSI-së Monika Kryemadhi, ky delegacion kishte njoftuar axhendën për në Shqipëri, përpara se opozita të njoftonte djegien e mandateve.
(E.K/FAXWEB.AL)
Discussion about this post