Në 13 maj zhvillohet protesta e opozitës, e cila është paralajmëruar nga PD-ja si një protestë mbarëkombëtare. Por ku do të jetë Edi Rama pikërisht në datën 13 maj?
Edi Rama do të jetë pjesë e edicionit të 57-të të Bienales së Venecias, që hapet ditën e shtunë.
Duhet të sjellin në vëmendje që në ekspozitën kryesore nën titullin “Viva arte viva”, Anri Sala do të paraqitet me një nga kërkimet e tij më të fundit artistike, ku ndërthuren elementi muzikë, hapësirë dhe kujtesë. Ndërsa Edi Rama, me koleksionin e vet të vizatimeve “të zyrës”.
Në video-prezantimin e artistit Rama, ai shfaqet në pozicionin e Kryeministrit, puna e tij në zyrë dhe me stafin. Si duke hyrë e duke dalë në zyrën kryeministrore, duke komunikuar me stafin, mediat, duke folur në konferenca, por pa u ndarë për asnjë moment nga pasioni i tij, piktura.
Sipas një portali online Rama e prezantoi zyrën e tij si njëlloj atelieje, ku ai vizaton, jo vetëm kur arrin t’i vjedhë kohës pak minuta të lira, por edhe gjatë mbledhjeve apo takimeve me njerëz të ndryshëm. Për të, vizatimi është njëlloj përqendrimi. Ai do të kishte dashur që jeta e shqiptarëve të ishte plotë ngjyra si vizatimet e tij, por kjo nuk është e mundur. (J.V/Shuplaka)
