“Kujt i dhemb syri në KQZ” reagon Shpëtim Idrizi për herë të parë pas hapjes së kutive

Kreu i PDIU-s Shpëtim Idrizi ka reaguar, pas rezultateve të para nga numërimit të kutive të kontestuara.Ai shkruan se komisioni sapo quajti të pa vlefshme një nga votat e hedhura për PDIU-në dhe kur shenja e X dukej qartë.

Ndërkohë që Idrizi nuk e sheh të arsyeshme shpalljen të pavlefshme të një flete votimi, ku krahas PDIU-së shkruhej fjala Margëlliç.

Postimi i plotë:

Komisioni Qendror i Zgjedhjeve, sapo e quajti të pavlefshme këtë votë të hedhur për PDIU-në, kur vullneti i qytetarit që e ka hedhur duket më se i qartë. Shenja X ishte atje ku duhet dhe po ashtu ka pasur dhjetëra fletë ku ka pasur fjalë të shkruara sikurse është rasti i kësaj flete, që u konsideruan të vlefshme. Pak ditë pasi tjetërkush reagoi ndaj gurit me emrin Filat në sheshin Skënderbej, po shohim që emri i qytetit çam të Margëlliçit po shqetëson anëtarët e KQZ-së. Kujt i dhemb syri nga fjala Margëlliç të shkruajtur aty?!
(S.SH/Shuplaka)