24-vjeçari nga Tetova e Maqedonisë i cili u fut në det për të shpëtuar dy motrat që po mbyteshin, por për fat të keq bashkë me to u mbyt edhe vetë, quhet Benjamin Ferati.
I riu humbi jetën pak orë më parë, në plazhin e Zvërnecit pranë Portonovës në Vlorë. Të afërm të tij tregojnë për “JOQ” se Benjamini kishte shkuar në plazh për të pushuar së bashku me të dashurën e tij kur njëra prej motrave të dy vajzave që po luftonin me dallgët e forta të detit ka shkuar të lajmëronte 24-vjeçarin për ndihmë.
Benjamini dhe vajza janë futur në ujë për të shpëtuar vajzat që ndodheshin në rrezik por fatkeqësisht të rinjtë nuk kanë mundur t’i bëjnë ballë dallgëve të forta dhe janë nxjerrë të pajetë në breg. E vetmja që ka mundur të shpëtojë është vajza e cila i kërkoi ndihmë të riut nga Tetova. Kjo e fundit ka dhënë të njëjtën dëshmi para efektivëve të policisë.
Ajo dhe e dashura e e Benjaminit ndodhen në gjendje shoku nga ngjarja e rëndë dhe kanë mundur ta marrin veten vetëm disa minuta më parë në spital.
Kujtojmë se kjo është tragjedia e dytë për sot në Vlorë, pasi mezditën e sotme u mbyt në det edhe një 14-vjeçar. Katër viktima, katër të rinj-ky është bilanci tragjik i ditës së sotme në qytetin bregdetar. (D.D/Shuplaka)
[ngg_images source=”galleries” container_ids=”2424″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post