Kreu i Grupit Parlamentar të Lëvizjes Socialiste për Integrim, Petrit Vasili në një deklaratë për mediat u shpreh se fondi prej 40 mln euro për ndërtimin në Unazën e Re, është një aferë korruptive që kryeministri Rama bën në kurrriz të qytetarëve.
Ai shfaqi për gazetarët dhe opinionin publik një video sipas të cilës Vasili thotë se tregon raportin që ka Edi Rama me pronat e qytetarëve.
“Atëherë kur i duheshin votat ishte shumë i qartë por në kundërshtim me atë që ka thënë në fushatë, ndaj kujt ngre dorë ky”.
Duke komentuar një tjetër video që ai shfaqi në monitor, në të cilën paraqitet Rama duke ju premtuar qytetarëve se edhe Enver Hoxha po të ngjallej, nuk do të shembeshin shtëpitë e tyre, deputeti thotë se janë deklarata të turpshme. “Ky është një bastard i ri i diktaturës. Ai ka dërguar naziskintjë e tij për tju vënë kryqin në shtëpi banorëve të unazës”.
Petrit Vasili thotë se paratë e investimit i përkasin një firme fallso dhe me zero konkurim në lidhje me projektin.
Vlera e përgjithshme sipas Vasilit është 5 herë më shumë se sa vlera reale që ka përcaktuar investitotri. Ai i bën apel Prokurorisë të mos vazhdojë rolin e bashkëhajdutërisë shtetërore.
Ndër të tjera numri 2 i LSI thotë se – ‘’Kjo rrugë po bëhet më e shtrenjtë se floriri, pavarësisht përllogaritjeve të shkollë-paktit por hajdut shumtit. Damka që po merr dhe konflikti që po nxit është më i rëndi që është parë ndonjëherë”.
Në fund Vasili fton qytetarët të tregohen vigjilent pasi vetëm ata mund t’a ndalin këtë vjedhje.
Më poshtë deklarata e plotë
(F.GJ/FAXWEB.AL)
