Një ngjarje e rëndë është shënuar mesditën e sotme në fshatin Dhores,në komunën Qëndër në rrethin e Skraparit.
Një 34-vjeçar është aksidentuar rëndë me mjetin e tij,tip traktor. Ai ka qenë duke drejtuar një traktor me të cilin po punonte tokën dhe pasi ka humbur kontrollin e mjetit është përmbysur bashkë me traktorin. Si pasojë e përmbysjes së mjetit 34-vjeçari Armand Hyska është plagosur rëndë.
Ai ka marrë plagë të shumta dhe është transportuar nga Skrapari në Tiranë në gjendje të rëndë. Burimet zyrtare nga Spiali Rajonal Berat kanë deklaruar se,34-vjeçari mbërriti në spitalin e Beratit në gjendje të rëndë,me palgë të shumta në të gjithë trupin dhe me të dyja këmbët e gjymtuara.
Sipas burimeve zyrtare të Repartit të Kirurgjisë në Spiatalin e Beratit,i plagosuri mori mjekimin e parë dhe u nis drejt Spitalit të Traumës në Tiranë. Ende nuk dihen rrethanat që çuan në këtë aksident të rëndë,ndërkohë që grupi hetimor po punon për zbardhjen e plotë të ngjarjes.
Discussion about this post