Ambasada Amerikane ka reaguar pas takimit të ambasadores amerikane Yuri Kim, me kreun e Partisë Demokratike Lulzim Basha.
Ambasada Amerikane njofton se Kim nixti palët politike të qëndrojnë në tryezë dhe të përfundojnë një kod zgjedhor.
“Gjatë takimit të saj sot me Kryetarin e Partisë Demokratike Lulzim Basha, Ambasadorja Kim nxiti të gjitha palët të qëndrojnë në tryezë dhe të përfundojnë një kod zgjedhor. Ambasadorja gjithashtu konfirmoi mbështetjen e Shteteve të Bashkuara për institucionet dhe praktikat demokratike në Shqipëri.”– njofton ambasada.
Kujtojmë se pas takimit me amdasadoren, Basha u shpreh shumë entuziast duke thënë se shumë shpejt do të ketë zhvillime të reja.
“Dita e zhvillimeve politike sot dhe atyre që do të vijnë do të jetë plot me lajme, me prioritete, me zhvillime. Për një gjë ju siguroj, se gjithçka që po bëhet po bëhet për t’i shërbyer një qëllimi që shkon përtej Partisë Denokratike dhe opozitës, qëllimi për t’u dhënë shqiptarëve një rrugë shprese dhe dalje nga kriza. Kështu që në këtë kuptim ndjehem i inkurajuar nga takimet sot dhe do të vazhdoj t’ju mbaj të informuar.”- u shpreh Basha.
(M.Q/Faxweb.al)
Discussion about this post