Kur kanë kaluar më shumë se dy muaj nga tërmeti i 26 nëntorit, që shkaktoi 51 viktima dhe mijera banorë mbetën në qiell të hapur, situata në qytetin e Durrësit ende nuk po menaxhohet si duhet dhe po zvarritet nga neglizhenca e qeverisë.
Kështu ka bërë me dije kreu i Partisë Demokratike në Durrës Ferdinand Xhaferraj i ftuar në Fax News, ku u shpreh se ende shumë banorë nuk e kanë marrë bonusin e qirasë për muajin e janarit.
Xhaferraj u shpreh se prioritet i Ramës nuk kanë qenë banorët, por ka qenë mbrojtja e Vangjush Dakos nga ndjekja penale, duke nxituar që të emëronte Zhyljen Varfin në krye të bashkisë.
“Sot janë fiks 2 muaj e gjysëm nga fatkeqësia që tronditi vendin, situata nuk po menaxhohet. Risia më e fundit e qeverisë ishte, që u tha nga ministri i Rindërtimit:Tani tha aplikoni online! Shumica e kanë të vështirë. Në shumicën e kohës sistemi ka qenë i bllokuar.
Ajo që i bën bashkë qytetarët e Durrësit është se nëse fillimisht u goditën nga fatekeqësia e tërmetit, tani po goditen nga neglizhenca e qeverisë dhe e zyrtarëve duke i zvarritur.
Bonusin e janarit nuk e ka marrë ende askush. Mungojnë paratë, mungojnë kapacitetet për ta bërë punën si duhet, tregojnë se nuk dinë ta menaxhojnë situatën. Ka dy muaj e gjysëm që ka kaluar, ndërkohë nuk ka një vendim për ato që kanë dëmtime shumë të mëdha.
600 banorë jetojnë në çadra. Të gjitha këto i bën bashkë neglizhenca e qeverisë.Të gjithë qytetarët e Durrësit e dinë që të marrësh diçka, binusin e qirasë, ose duhet të paguash ose duhet të kesh mik.
Kryeministri donte si të shpëtonte Dako. I vetmi prioritet i kryeministrit ka qenë të zgjedhë Zhylien Vrafin, për të shpëtuar Vagjush Dakon, nga përgjegjësia penale. U prishën me emergjencë disa banesa për të zhdukur gjurmët.
Janë 5000 mijë aplikime dhe vetëm 40% u është dhënë bonusi i dhjetorit dhe janarit nuk u është dhënë askush. Pavarsisht se u goditëm nga një fatkeqësi natyrore, për të vrarë, vranë njerzit dhe jo tërmeti. Ka vrarë korrupsioni dhe babëzia.
Kanë kaluar 2 muaj e gjysëm. Nuk dinë ta bëjnë punën e tyre. Nuk mund të them që nuk duan, por janë kanalet e korrupsionit që bllokojnë gjithçka.”- u shpreh Xhaferraj.
Discussion about this post