Dy perla të mesfushorit shqiptar Enis Bardhi dhe goli i Morales në minutën e 90-të i kanë dhënë fitoren e dytë radhazi Levantes, që arriti të përmbysë Atletico Bilbao për të triumfuar me rezultatin 3-1.
Një 3-pikësh që i jep shumë shpresë për mbijetesën skuadrës ku aktivizohet Armando Sadiku, që në këtë takim nuk luajti për asnjë minutë.
Ishin vendasit ata që kaluan të parët në avantazh me golin e Garcia-s, të realizuar në minutën e 8-të, por Enis Bardhi shënoi dy herë në minutat 43-të dhe 45-të për të kthyer shifrat në 1-2 për Levanten.
Dy goditje dënimi, njëra më e bukur se tjetra i dhanë fitoren Levantes që tashmë numëron 37 pikë, + 9 nga Deportivo La Coruna.
Në sekondat e fundit kishte vend dhe për golin e Morales që bëri gjithçka i vetëm dhe në fund me parabël e dërgoi topin në rrjetë.
Me këtë fitore Levante thuajse përmbush objektivin mbijetesë, pasi deri në fundin e sezonit kanë mbetur dhe 4 javë për t’u zhvilluar.
Nga ana tjetër, Atletico Bilbao mbetet në vendin e 14-të me 40 pikë.
