Ministrja e Shëndetësisë dhe Mbrojtjes Sociale, Ogerta Manastirliu ka deklaruar se Libreza Shëndetësore mund të merret pranë mjekut të familjes ku ai ka edhe kartelën me ecurinë shëndetësore të çdo pacienti të tij.
Sipas ministres marrja e Librezës Shëndetësore pranë mjekut të familjes eliminon njëkohësisht edhe tri ekzaminime si koprokultura, vizitë tek mjeku dermatolog dhe grafi pulmoni për të përjashtuar sëmundjet të ndryshme infektive të cilat duhet të kryheshin para marrjes së librezës.
Gjithashtu ndryshime do të ketë tek tarifa pasi në se dikur duhej paguar 500 lekë , sot do të merret vetëm për 100 lekë.
Një tjetër lehtësi vjen edhe për prindërit të cilët regjistrojnë fëmijët në kopshte dhe çerdhe. Tashmë nuk është e nevojshme marrja e një sërë analizash dhe vërtetimesh në dyert e drejtorive të higjienës, por vetëm duke depozituar dokumentin e vaksinimit. (B.N/Shuplaka)
Discussion about this post