Është liruar nga burgu ish-kryebashkiaku i Dibrës Shukri Xhelili. Ai mësohet se është liruar pas mbarimit të dënimit me burg.
Apeli i Krimeve të Rënda e kishte dënuar me 1 vit e 8 muaj burg. Xhelili u përfshi në një skandal korrupsioni me një vajzë, së cilës i kërkonte seks në këmbim të punës.
Ai u arrestua në 16 maj të vitit 2016.
Xhelili mësohet ta ketë përfunduar kohën e dënimit para zgjedhjeve të 25 Qershorit.
Nje Kolegj Penal i kryesuar nga Nure Dreni kishte vlerësuar se i pandehuri Xhelili nuk duhej të akuzohej për akuzën e “korrupsionit pasiv të funksionarëve të lartë shtetërorë ose i të zgjedhurve vendore”, por për akuzën e “marrëdhënies seksuale ose homoseksuale duke shpërdoruar detyrën”, mbetur në tentativë.
Duke e deklaruar të fajshëm për këtë akuzë, Apeli vendosi dënimin përfundimtar me 1 vit e 8 muaj burg për Xhelilin.
Discussion about this post