Azdren Llullaku ka shkëlqyer këtë sezon në kampionatin rumun, ndaj për shqiptarin nuk kanë munguar as vlerësimet.
Javën e shkuar, sulmuesi mori titullin e lojtarit “surprizë”, falë paraqitjes së tij të mirë me ekipin Gaz Metan.
Arritjet në aspektin profesional nuk kanë fund për 28-vjeçarin. Këtë herë futbollisti kuqezi arrin të ngjitet në listën e lojtarëve që konkurojnë për “Këpucen e Artë” të sezonit 2016-2017.
Me golat e realizuar në kampionatin rumun që ka koefiçientin 1.5 dhe jo maksimal 2, Llullaku ka grumbulluar 24 pikë që e pozicionojnë në vendin e tretë.
Me këtë rezultat shqiptari lë pas Ronaldon dhe lojtarë të tjerë të mëdhenj në kampiontatet në Europë si Suarez, Messi, Aguero dhe Diego Kosta.
Aubamejang dhe Kabaev kryesojnë listën, ndërsa vendin e tretë e mban djaloshi nga Istogu.
