“Loli e coli”, Basha i përgjigjet Ramës për kapacitetet në spitale: Rrit menjëherë numrin e testimeve, çdo lekë të shkojë te shqiptarët

Kreu i PD Lulzim Basha i është përgjigjur kreut të qeverisë Edi Rama, i cili tha se presidenti dhe numri 1 i opozitës ndjellin panik sa i takon situatës së Covid 19.

Sipas kryedemokratit me papërgjegjshmërinë e tij, Rama ka dëbuar mjekët dhe ka lënë në mëshirë të fatit shqiptarët.

Postimi i Bashës:

Papërgjegjshmëria kriminale e Edi Ramës, ka çuar në kolaps shëndetësinë, ka dëbuar mjekët, ka lënë shqiptarët në mëshirë të fatit.

Zgjidhja emergjente është rritja e numrit të testimeve, rimbursimi i plotë për marrjen e mjekimit ambulator kundër COVID-19, mbështetja financiare e mjekëve dhe infermierëve dhe shtimi i numrit të tyre.

Çdo lek duhet të shkojë për shqiptarët dhe jo në xhepat e pushtetarëve.