Lori Hoxha në intervistën e saj për ‘’InTv’’ ka folur dhe për ndjesinë e të qenit teze duke u shprehur se e urren këtë fjalë. Duke folur për marrëdhënien e saj me Sarën ajo ka thënë se motra e saj është shumë e vendosur në krahasim me Lorin. Duke folur dhe për marrëdhënien me Ledionin ajo e pranoi se ndonjëherë kanë edhe mendime të kundërta me të.
“Është ndjesi shumë e mirë. Si person nuk i kam shumë qejf fëmijët, domethënë nuk e ndjej akoma atë afrimitetin me ta. Por kur ka lindur London Noor unë jam bërë njeri tjetër. E adhuroj, e kam si gjënë më të shtrenjtë. E kam foto celulari. Nuk e mendoja ndonjëherë që do kisha foton e një bebi në celular. Nuk e dija kurrë që do ishte ndjesi kaq e mirë”, -tha Lori. E pyetur nga gazetari nëse ka qarë kur e pa bebin për herë të parë Lori u përgjigj se ka qarë fshehtas.
“Nuk e jap shumë veten, por qava fshehtas”, -tha ajo. Në lidhje me Sarën dhe Ledionin Lori u shpreh se është gjë shumë e mirë që e ka Ledionin kunat pasi janë rritur në të njëjtën botë dhe kjo i lidh shumë. Ndërsa për Sarën tha se nuk e kishte menduar që do bëhej mami kaq e vogël, por shtoi se e dinte që Sara do bëhej mami para saj. (E.K/SHUPLAKA)
