Ish-kapiteni i ekipit kombëtar është emocionuar jashtë mase dhe nuk i ka përmbajtur lotët livë në emision.
Cana ka qenë I ftuar në emisionin e parë të sezonit të dytë të programit të “Dua të të bëj të lumtur”.
Ai njihet për natyrën e tij supër të ndjeshme dhe nuk ka mundur të mbajë lotët përballë historisë së trishtë të Gersit, djaloshit të vogël që u qëllua me armë gjatë një loje me bashkëmoshatarët.
Në studion e “Dua të të bëj të lumtur” këtë herë ishin shokët e klasës ata që e kishin ftuar Gersin, për t’i treguar se sa shumë e donin.
Miqtë e vogëlushit zbuluan se Gersi është një nxënës i dalluar dhe një dashamirës i madh i futbollit.
Në këtë çast u fut në studio të ish-kapitenit të Kombëtares, Lorik Cana i cili solli si dhuratë për Gersin dhe miqtë e tij, uniformat e Kombëtares, topat origjinalë të firmosur prej tij dhe biletat për ndeshjen miqësore Shqipëri – Norvegji, që do të mbahet më 26 mars.
“Gjërat më të rëndësishme arrihen me forcën më të madhe, që është brenda nesh. Bukuria e vërtetë e njeriut nuk gjendet në pamjen e jashtme, por gjendet në zemrat tona. Unë kam një djalë, që e quajnë Bojken. Unë dua që në të ardhmen ai të bëhet si unë dhe shpresoj që të më kalojë, por nëse do të ndjekë edhe hapat e Gersit do të isha shumë i lumtur”,- u shpreh ish-futbollisti.
(F.M/Faxweb)
