Banorët e pallatit që rrezikon të shembet nga shkarja e dherave në lagjen “Kodra e Shtufit” në Gjirokastër, janë përplasur me prefektin e Qarkut, Astrit Alia.
Banorët janë shprehur të indinjuar për vonesën e reagimit nga bashkia dhe qeveria. Ata i kanë shprehur prefektit kërkesën e tyre për verifikimin nëse pallati vijon të jetë i banueshëm ose jo.
Banorët i kanë kërkuar prefektit të Gjirokastrës, emrat e ekspertëve që kanë kërkuar një studim të dytë për të verifikuar gjendjen e situatës së pallatit.
Një prej banoreve të pallatit ka replikuar me prefektin Alia duke i shprehur shqetësimin për procedurën e emergjencës që është vendosur afatmesme, kur sipas banorëve, situata është shumë më emergjente dhe duhet të ishte gjende emergjence afatshkurtër.
Prefekti u është përgjigjur banorëve se duhet ndërhyrje për të bërë kanalizimin së bashku me një mur mbajtës për godinën dhe pastaj banorët të evakuohen nga shtëpitë e tyre.
Për këtë arsye, prefekti tha se duhet të bëhët një studim i dytë nga specialistë tjerë që sipas prefektit do të vijnë ditën e nesërme.
(E.L/Faxweb.al)
Discussion about this post