LSI ka dënuar ashpër dhunën policore që është ushtruar ditën e djeshme ndaj stafit dhe drejtuesit të ‘’Koha Jonë”.
Nikollë Lesi u shoqërua dje në mënyrë të paligjshme në ambjentet e komisariatit dhe u mbajt aty për disa minuta deri në sqarimin e ngjarjes.
Për Luan Ramën dhna ndaj mediave nuk tregon asgjë më shumë sesa rrënimin e pushtetit. Ai i bëri thirrje kryeministrit Rama që të distancohet nga kjo ngjarje, si dhe Prokuroria duhet të nis sa më parë hetimet për rastin.
“Në emër të LSI-së jam këtu për tu solidarizuar me stafi, pronarin dhe drejtuesin e ‘’Koha jonë” duke iu shprehur mbështetjen tonë. Dua të denoncoj dhunën e ushtruar ndaj përfaqësuesve të gazetës që është dëshmi e denigrimit të këtij pushteti.
Arbitrariteti dhe arrogance për të penguar lirinë e shprehjes është e denjë për pushtete që e bazojnë aktivitetin e tyre te dhuna. Nuk është hera e parë e sjelljes në këtë mënyrë e Policisë së Shtetit. I bëj thirrje kryeministrit të vendit që të marrë të gjitha masat për të vendosur para ligjit autorët, si dhe Prokurorisë i bëj thirrje të nis hetimet.
Çdo pushtet që ka tentuar të ushtrojë dhunë mbi shtypin, përherë ka humbur. Edhe referuar përvojës së ccmuar që na jep historia e afërt, i bëj thirrje kryeministrit që të distancohet. Edhe njëherë e theksoj, kjo nuk është dhunë thjesht ndaj gazetës, po është ndaj të gjithë shtypit. Është një e drejtë fondamentale për të gjithë ekzistencën”, u shpreh Luan Rama.
(E.K/SHUPLAKA)
