Makina del nga rruga në Elbasan, humb jetën 11-vjeçarja

Një aksident i rëndë ka ndodhur në Elbasan pasi një makinë ka dalë nga rruga dhe ka humbur jetën një 11 vjeçare.

Aksidenti ka ndodhur në aksin rrugor Cërrik-Papër, në fshatin Valas dhe ka humbur jetën 11 vjeçarja me iniciale M.SH. 

Mjeti “Ford” veturë me targa AA 503 KN ka dalë nga rruga dhe  drejtohej nga shoferi me iniciale A.H dhe kanë ngelur të plagosur edhe dy persona me iniciale A.SH dhe K.SH të cilët ishin pasagjerë. Këta të fundit janë të afërm të viktimës. 

Të plagosurit janë dërguar me urgjencë në Spitalin Rajonal të Elbasanit ku po marrin ndihmën mjekësore.  Policia ndodhet në vendngjarje dhe po heton rreth këtij aksidenti të rëndë. (J.V/Shuplaka)