Rei Manaj është ndër futbollistët që u prit më me bujë në Kombëtare. Duke qenë se ai luante me Interin, futbollisti premtonte shumë. Mirëpo karriera e tij nuk eci si duhet dhe ai u largua nga Interi ku nuk gjeti hapësira, shpesh I vlerësuar për talentin por I kritikuar për sjelljen, Manaj dështoi edhe me dy skuadrat e tjera italiane ku u transferua, Peskarën dhe Pizën.
Megjithatë duket se kjo periudhë e vështirë do të kaloi për Manajn i cili tanimë është përforcimi më i ri i skuadrës spanjolle Granada.
Sulmuesi shqiptar, këtë herë nuk ka bërë premtime para mediave në prezantimin e tij, përveç asaj që do të mundohet të rritet përkrah skuadrës.
“Për këtë klub më kanë folur shumë mirë shokë të mi të skuadrës te Interi si Murijo e Medel. Jam i lumtur që kam bërë këtë zgjedhje. Kjo është një mundësi e madhe për mua dhe e zgjodha Granadën pa asnjë lloj hezitimi. Në këtë klub do të mundohemi që të rritemi të gjithë bashkë. Nuk dua të mendoj për objektivat personal në këto momente. duhet të mendojmë të gjithë bashkë në të njëjtin drejtim. Konkurrenca këtu është shumë e mirë, dua të stërvitem dhe të jap maksimumin”, tha ai.
Zëvendëspresidenti i Granadës, Kanging Uang, i uroi mirëseardhjen sulmuesit shqiptar dhe tha se ky është një bast për të ardhmen.
“Ky është një bast që ne kemi bërë për të ardhmen. Shpresojmë që të na dhurojë shumë gjëra”, tha ai. (B.H/Shuplaka)
Discussion about this post