Manjati mediatik Rupert Murdoch ka thënë se Facebook duhet t’i paguajë mediat nëse është realisht i përkushtuar të mbështesë lajmet e vërteta.
Facebook javën e kaluar tha se do të vëzhgonte përdoruesit e tij dhe do t’u jepte përparësi burimeve të lajmeve që ata i mendonin “si të besueshme”.
Murdoch, i cili kontrollon The Times dhe Sun, tha se propozimet e Mark ishin “të pamjaftueshme”.
Ai tha se firmat e medias sociale duhet t’u paguajnë një tarifë publikuesve njësoj si operatorët e rrjeteve kabllore paguajnë për kanalet që ata ofrojnë.
“Publikuesit e mediave padyshim po e rrisin vlerën dhe integritetin e Facebook përmes lajmit dhe përmbajtjes së tyre, por nuk janë duke u shpërblyer siç duhet për këto shërbime”, tha Murdoch.
“Pagesat e kalimit do të kenë një ndikim të vogël tek fitimet e Facebook, por një ndikim të madh në perspektivat tek botuesit dhe gazetarët”.
Google dhe Facebook po marrin pjesën më të madhe të të ardhurave nga reklamat, një ndryshim që ka dëmtuar gazetat, të cilat prodhojnë lajme origjinale.
Murdoch zotëron dhe Wall Street Journal .
Komentet e tij vijnë pasi Facebook pranoi se mediat sociale përbëjnë një kërcënim potencial për demokracinë dhe u zotua për të zgjidhur problemin.
Facebook dhe Google nuk i kanë kthyer ende një përgjigje ndaj komenteve të z. Murdoch.
Burimi: BBC
(F.G/Faxweb.al)
