Ish- deputeti i Partisë Demokratike Mark Marku ka deklaruar se opozita nuk duhet të hyjë në zgjedhje pa patur një garanci që ato do të jenë të ndershme dhe të pamanipuluara.
“Unë personalisht mendoj që opozita gjënë e parë që duhet të bëjë është të garantojë zgjedhjet. Dy ministra akuzojnë policinë e shtetit, si të implikuar me krimin, kjo është rëndë. Objektivi parë i opoztës është të garantojë zgjedhje të lira dhe të ndershme. Po të ishte në gjykimin tim opozita nuk duhet të pranonte të hynte në zgjedhje në këtë gjendje që është. Nuk ka asnjë arsye që të hyjmë në zgjedhje sepse në këtë gjendje që jemi do të krijohet destalbilitet. Mesa shikoj, premisa shumë negative, dispozitat që ato të jenë të ndershme janë të pakta. Opozita duhet ta përqëndrojë aksionin e vetëm politik në këtë pikë. Një pjesë e mazhorancës e ka ngritur këtë akuzë. Kjo po ngrihet nga vetë segmente të mazhorancës. Aksioni politikë duhet të fokusohet tek zgjedhjet dhe tek çështja e manipuimit të tyre. Mendoja që PD nuk duhet të hyjë në zgjedhje pa patur një garanci”, tha Marku. (J.V/Shuplaka)
