William Jacob Raak, 35 vjeç nga Chadds Ford në SHBA, ishte një prej 600 personave që po festonin ndërrimin e viteve në klubin e natës “Reina” në Stamboll, aty ku një terrorist i ISIS vrau 39 persona dhe plagosi dhjetëra të tjerë.
Ai ishte në klub me shumë miq dhe të afërm të tij dhe shpëtoi gjallë falë telefonit të tij celular.
Sipas mjekëve, celulari ka penguar plumbin të prekë arterien kryesore çka do të sillte edhe vdekjen e tij të sigurtë.
Në një intervistë për NBC News, Raak rrëfen se u shtri në tokë në momentin kur terroristi nisi të qëllonte dhe për disa çaste ka luajtur rolin e të vdekurit.
“Kur më qëlloi nuk lëviza. Isha goditur dhe isha në tokë. Ai po vazhdonte të qëllonte njërëzit që kishte qëlluar”, rrëfen 35-vjeçari amerikan.
Shtatë nga miqtë e tij u qëlluan atë fillimviti në Stamboll, por të shtatë mbijetuan. (A.R/SHUPLAKA)
