Forcat e Antiterrorit kanë identifikuar njeriun që terrorizonte qytetarët duke i marrë në telefon dhe duke paralajmëruar se do të bënte masakra në Tiranë me kallashnikov.
Sipas policisë ai është Naim Behari, i dënuar për vrasje dhe që aktualisht vuan dënimin në burgun e “Fushë-Krujës”. Prej kohësh i burogosuri kërcënonte qytetarë të ndryshëm duke i marrë në telefon nga qelia e burgut dhe duke paralajmëruar për sulme terroriste.
I burgosuri rezulton me dy emra, Naim Behari dhe Nikolas Kostandinos. Prokuroria ndaj tij ka nisur edhe një hetim për këtë akuzë.
Në vitin 2005 ka vrarë një taksist në një fshat të Fierit. Pasi ka marrë një taksi nga Lushnja për të shkuar në fshat, i ka kërkuar taksistit 10 mijë lekë, shkruan një portal online. Taksisti ka refuzuar dhe i ka kërkuar paratë për shërbimin që i kishte bërë dhe ky më pas e ka goditur me thikë. (J.V/Shuplaka)
