Partitë politike mbyllin sot fushatën elektorale për zgjedhjet e 14 Majit, ku do të zgjidhen kryetarët në 61 Bashki të vendit, nga veriu në Jug.
Kreu i Partisë Socialiste dhe njëherësh kryeministri i vendit Edi Rama ka zgjedhur që takimin përmbyllës të kësaj fushate, që përgjithësisht ka qenë e qetë, me incidente të vogla vetëm në ditët e fundit, ta bëjë nga qyteti i Durrësit. Qyteti ku ndërthuren ndoshta interesat më të forta politike në 4 vitet e ardhshme, për shkak të projektit për ndërtimit e portit turistik, dhe zhvendosjen e portit tregtar në zonën e Porto Romanos.
Duke qenë se dhe vetë është deputet i Durrësit, Rama do të japë të gjithë mbështetjen e tij për Emiriana Sakon, e cila nuk do të ketë një garë fortë të lehtë përballë Igli Carës nga koalicioni Bashkë Fitojmë. Takimi pritet që të nisë rreth orës 18 e 30, ndërkohë që të pranishëm do të jenë dhe deputetë të tjerë socialistë të qarkut të Durrësit.
Ndërkohë koalicioni Bashkë Fitojmë, gjysmë ore më vonë do të mbyllë fushatën në Tiranë, me kandidatin Belind Këlliëi që del në një takim elektoral me Berishën në këtë muaj. Këlliëi, i cili ka ndjekur një fushatë disi më europiane, synon që të rrëzojë pushtetin e konsoliduar të Erion Veliajt në kryeqytet, edhe pse shanset duken të pakta, duke marrë parasysh edhe sondazhe të ndryshme që janë bërë në javët e fundit.
Rruga vështirësohet edhe për shkak të përplasjeve të brendshme të opozitës, ndërkohë që nën siglën e PD-së zyrtare garon Roland Bejko. Fushata e Këlliëit ka qenë e fokusuar me disa premtime populiste, një prej të cilit është dhe ai i garantimit të transportit publik falas, apo ndërtimi i nënkalimeve në sheshin Skënderbej për të lehtësuar trafikun e tmerrshëm të Tiranës.
Shqipëria e mesme pritet të jetë dhe ajo që do të sjellë më shumë surpriza në këto zgjedhje, ku palët do të përplasen fort për Elbasanin, Durrësin, Tiranën, por edhe kryeqendrën e Veriut Shkodrën.
Me përjashtim të incidentevetë orëve të fundit në Himarë dhe në Kukës, fushata ka kaluar përgjithësisht e qetë, me socialistët që japin premtime për të vazhduar projektet e nisura, me fikus kryesor rilindjen urbane, dhe me opozitën që tenton ndryshimin e pushtetit, duke nisur fillimisht nga qeverisja lokale.
(E.K/Faxweb.al)
Discussion about this post